بولی وڈ اداکار امیشا پٹیل ان دنوں فلموں میں تو کچھ زیادہ دکھائی نہیں دے رہیں لیکن ان کے تھپڑ کی گونج دور دور تک سنائی دے رہی ہے۔

چند روز پہلے وہ اتر پردیش کے ایک شہر میں زیورات کی ایک دکان کا افتتاح کرنے پنہچیں۔

انہیں دیکھ کر نوجوانوں کی ایک بڑی تعداد وہاں جمع ہوگئی جیسا کہ اکثر ہوتا ہے۔

نوجوانوں میں کچھ چلبلے بھی ہوتے ہیں، ان میں سے ایک چلبلے نے امیشا کے ساتھ کچھ ایسی ویسی حرکت کرنا چاہی۔

اس بیچارے کو کیا خبر تھی کے امیشا کوئی چھوئی موٹی ٹائپ کی لڑکی نہیں۔

جیسے ہی نوجوان نے اداکار کے قریب ہونا چاہا تو امیشا نے ایک زوردار تھپڑ اس کے دائیں گال پر رسید کر دیا۔

تھپڑ کی گونج اتنی دور تک گئی کہ نوجوان نے وہاں سے بھاگنا ہی مناسب جانا۔

کمال کی بات یہ ہے کہ امیشا اس واقعے کے بعد دوبارہ انتہائی نارمل طریقے سے دکان کی افتتاح میں مشغول ہو گئیں - گویا یہ سب تو ہوتا رہتا ہے!۔