ملتان: جنوبی پنجاب کے شہر بہاولپور کے قریب ایک تیز رفتار کار کو حادثہ پیش آیا ہے جس کے نتیجے میں ایک ہی خاندان کے دو افراد ہلاک، جبکہ پانچ دیگر زخمی ہوگئے۔

زخمی ہونے والوں میں دو خواتین اور دو بچے بھی شامل ہیں، ہلاک ہونے والے دونوں میاں بیوی بتائے جارہے ہیں۔

ڈان نیوز ٹی وی کے مطابق یہ حادثہ اس وقت پیش آیا جب مسافر خانے کے قریب تیز رفتاری کے باعث کار ٹرک سے جا ٹکرائی۔

ابتدائی اطلاعات کے مطابق یہ کار کراچی سے لاہور کی جانب جارہی تھی۔

حادثے کے بعد ریسکیو اہلکاروں نے زخمیوں کو قریبی ہسپتال منتقل کردیا گیاہے۔