علی ظفر نے بگ بی کو کینوس پر اتارا
معروف پاپ گلوکار اور بولی وڈ اداکار علی ظفر اپنی نئی آنے والی فلم 'کِل دل' کی پروموشن میں مصروف ہیں۔
انہوں نے فلم کے ساتھی فنکاروں گووندا، پرینتی چوپڑا اور رنویر سنگھ کے ہمراہ امیتابھ بچن کے مقبول ٹی وی کوئز پروگرام کون بنے گا کروڑ پتی میں شرکت کی اور فلم کے حوالے سے گفتگو کی۔
اس موقع پر علی ظفر کا کہنا تھا کہ وہ بچپن سے ہی امیتابھ بچن کے مداح ہیں اور آج اپنے پسندیدہ فنکار کے پروگرام میں شرکت کرکے انہیں بہت خوشی محسوس ہو رہی ہے۔
علی ظفر نے بگ بی کو اپنے ہاتھوں سے تیار کردہ ان کا اسکیچ بھی پیش کیا۔
واضح رہے کہ علی ظفر جتنے اچھے گلوکار اور اداکار ہیں، اس سے زیادہ انہیں پینٹنگ پر عبور حاصل ہے جس کی تربیت انہوں نے این سی اے (نیشنل کالج آف آرٹس) سے حاصل کی۔
`
Presenting Mr. Bachchan a sketch had made of him when 13. pic.twitter.com/ChP0LOZZkA
— Ali Zafar (@AliZafarsays) October 30, 2014
``
A moment I had visualised as a child. Sketch and sing (AB songs) live for @SrBachchan . There is no one like him! pic.twitter.com/nTYWJ8ocXa
— Ali Zafar (@AliZafarsays) October 30, 2014
`علی ظفر اپنی فلم کی پروموشن کیلئے ہندوستان کے مختلف شہروں کے دورے کریں گے اور تشہیری شوز میں اپنی آواز کا جادو بھی جگائیں گے۔
خیال رہے کہ یش راج پروڈکشن کی اس فلم کی ہدایات شاد علی نے دی ہیں اور یہ چودہ نومبر کو ریلیز کی جا رہی ہے۔
ایکشن اور رومانوی فلم 'کِل دل' کی کہانی دو جرائم پیشہ افراد رنویر سنگھ اور علی ظفر کے گرد گھومتی ہے جبکہ گووندا دونوں کے باس بھیا جی کا کردار کر رہے ہیں اور پرینیتی چوپڑا کے انداز بھی دیکھنے والوں کو پسند آئیں گے۔
فلم میں ایکشن اور تھرلر دونوں کا تڑکہ شامل ہے، یہ فلم ہولی وڈ کی مشہور سیریز 'کِل بل' سے متاثر ہوکر بنائی گئی ہے۔
پاکستانی اسٹار علی ظفر فلم میں لمبے بال، فرنچ داڑھی اور خوبصورت جسم کے ساتھ اپنے دشمنوں کو خوب ڈرائیں گے۔
علی اس سے پہلے بھی بولی وڈ فلمیں 'میرے برادر کی دلہن' لندن، پیرس، نیویارک'، 'چشم بدور' اور 'ٹوٹل سیاپا' کر چکے ہیں۔
تبصرے (0) بند ہیں