کراچی میں نامعلوم نشانہ باز قاتلوں کی کارروائیاں بدستور جاری ہیں۔۔ رائٹرز تصویر

کراچی: کراچی میں فائرنگ اور پر تشدد واقعات میں سیاسی جماعت کے کارکن سمیت مزید چار افراد قتل کردیے گئے۔

گزشتہ شب کھارادر ککری گراونڈ کے قریب سے ایک شخص کی تشدد زدہ ہاتھ پاوں بندھی لاش ملی۔

علاقہ قصبہ کالونی میں فائرنگ سے نوجوان ہلاک ہوگیا۔

نیو کراچی سیکٹر فائیو جی میں نامعلوم افراد کی فائرنگ سے سیاسی جماعت کے دو کارکن زخمی ہوئے جن میں سے ایک شخص زخموں کی تاب نہ لاتے ہوئے ہلاک ہوگیا۔

دوسرے زخمی کی حالت بھی تشویشناک بتائی جاتی ہے۔

جبکہ سولجر بازار میں فائرنگ سے ایک شخص ہلاک ہوگیا۔

محمود آباد میں دو گروپوں میں فائرنگ کے تبادلہ میں ایک شخص زخمی ہوگیا۔

اس کے علاوہ بھیم پورہ میں فائرنگ سے ایک شخص زخمی ہوا۔