23 ستمبر, 2014 | 27 ذوالقعد, 1435
ڈان نیوز پیپر

کراچی میں دو دھماکوں سے سات افراد ہلاک

کراچی: ہلاک ہونے والوں کی لاشیں ایک ہسپتال میں لائی جا رہی ہیں- پی پی آئی فوٹو

کراچی: کراچی کے ایک بازار کے قریب بوہرا برادری کے ایک کمپاؤنڈ میں منگل کی شام دو بم دھماکوں میں کم از کم سات افراد ہلاک جبکہ بائیس افراد زخمی ہوئے ہیں۔

نارتھ ناظم آباد کے قریب ہی واقع حیدری مارکیٹ میں دھماکوں میں زیادہ تر ہلاک و زخمیوں کا تعلق داؤدی بوہرا برادری سے ہے۔

ذرائع کے مطابق، یہ دھماکے بوہرا برادری کے روحانی رہنما سیدی موفدل بھائی صاحب کے گزشتہ روز کے دورے کے بعد ہوئے۔

عباسی شہید ہسپتال کے ڈاکٹر نے تصدیق کی ہے ہلاک ہونے والوں میں سے چھ افراد داؤدی بوہرا برادری سے جبکہ ایک شخص ایک قلفی فروش تھا جس کا تعلق رحیم یار خان سے بتایا جاتا ہے۔

کراچی کے اعلی پولیس افسرنعمان صدیقی کا کہنا ہے کہ پہلا دھماکہ موٹر سائیکل میں نصب مواد پھٹنے سے ہوا جبکہ دوسرا دھماکہ درخت کے نیچے کچرے کے ڈھیر میں ہوا۔

بم ڈسپوزل یونٹ کے ایک اہلکار نے کہا کہ موٹر سائیکل پر تین عشاریہ پانچ  کلو گرام دھماکہ خیز مواد نصب تھا جسے ریمورٹ کنٹرول سے اڑایا گیا۔

ان کا کہنا تھا کہ دوسرا دھماکہ ایمپرووائز دھماکہ خیز آلے سے ہوا جس میں پانچ سو گرام دھماکہ خیز مواد موجود تھا۔

رضویہ علاقے کے ایک پولیس اہلکار کا کہنا تھا کہ یہ موٹر سائیکل تین ستمبر کو چھینی گئی تھی۔

دھماکے کے بعد نارتھ ناظم آباد اور حیدری میں تمام مارکٹین بند کردیں گئیں۔

اس حصے سے مزید

کراچی یونیورسٹی میں تدریسی عمل بحال کرنے کا فیصلہ

یونیورسٹی کی جنرل باڈی کے اجلاس میں فیصلہ کیا گیا ہے کہ کل سے جامعہ میں تدریسی عمل بحال کردیا جائے گا۔

دو سال کے لیے ٹیکنو کریٹس کی حکومت قائم کی جائے، الطاف حسین

لندن میں گورنر پنجاب کے ساتھ ملاقات کے دوران متحدہ کے قائد نے کہا کہ ثالثی کے لیے چوہدری سرور مناسب شخصیت ہیں۔

پیپلزپارٹی ایم پی اے کا گن پوائنٹ پر استعفی لینے کا الزام

پروین جونیجو نے گزشتہ برس کے عام انتخابات میں دادو سے پی ایس 76 سے کامیابی حاصل کی تھی۔


تبصرے بند ہیں.

تبصرے (1)

Syed
19 ستمبر, 2012 09:57
طالبان جیسے “شجرہ خبیثہ” کو خلق کرنے والی فورسز نے طالبان کے اجزائے ترکیبی میں اہم جزو “شیعہ دشمنی” رکھا ہے، گڈ طالبان، بیڈ طالبان، اینٹی پاکستان، پرو پاکستان۔۔۔ طالبان سب کے سب شیعہ دشمنی کے ایجنڈے پر اکٹھے نظر آتے ہیں۔ طالبان نوازی کی پالیسی کا سب سے زیادہ تاوان شیعہ قوم نے ادا کیا ہے، آخر کب تک اِس مبینہ “اِسٹریٹیجک ایسیٹس” کے نام پر ملک میں فرقہ واریت کا بازار گرم رکھا جائے گا۔۔۔؟ اِن مبینہ “اِسٹریٹیجک ایسیٹس” کی وجہ سے وہ کونسی آفت ہے جو پاکستان پر نہیں ٹوٹی، پاکستانی عوام آخر کب تک اِن غلط پالیسیوں کا خراج دیتی رہے گی۔۔۔ آخر کب تک؟
سروے
مقبول ترین
قلم کار

سوشلزم کیوں؟

اگر ہم مسلسل بحث کرسکتے ہیں کہ جمہوریت کیوں نہیں، شریعت کیوں نہیں، تو اس سوال پر بھی بحث ضروری ہے کہ سوشلزم کیوں نہیں؟

مڑی تڑی باتیں اور مقاصد

چیزوں کو اپنی مرضی کے مطابق توڑ مروڑ کر پیش کرنے، اور غیر آئینی اقدامات سے پاکستان کے مسائل میں صرف اضافہ ہی ہوگا۔

بلاگ

مووی ریویو: 'خوبصورت' - فواد اور سونم کی خوبصورت کہانی

اپنے مزاحیہ خیز کرداروں کے باوجود فلم شوخ اور رومانٹک ڈرامہ ہے، جسے آپ باآسانی ڈزنی کی طلسماتی کہانی کہہ سکتے ہیں-

کراچی میں بجلی کا مسئلہ اور نیپرا کا منفی کردار

اپنی نااہلی کی وجہ سے نیپرا نے بیرونی سرمایہ کاروں کو مشکل میں ڈال رکھا ہے، جن میں سے کچھ تو کام شروع کرنے کو تیار ہیں۔

خواب دو انقلابیوں کے

ایک انقلابی خود کو وزیر اعظم بنتا دیکھ رہا ہے تو دوسرا صدارتی محل میں مریدوں سے ہاتھ پر بوسے کروانے کے خواب دیکھ رہا ہے۔

کوئی ان سے نہیں کہتا۔۔۔

ریڈ زون کے محفوظ باسیو! ہمیں دہشت گردوں، ڈاکوؤں، چوروں، اغواکاروں، تمہاری افسر شاہی اور پولیس سے بچانے والا کوئی نہیں۔