پولیس ہیلپ لائن۔ —فائل فوٹو

پشاور: پشاور متنی پولیس اسٹیشن اور چیک پوسٹوں پر عسکریت پسندوں کے حملے کے بعد جوابی کارروائی میں چار عسکریت پسند ہلاک ہوئے۔

جبکہ حملے میں اے ایس آئی سمیت چار پولیس اہلکار زخمی اور ایک بکتربند کو نقصان پہنچا۔

عسکریت پسندوں نے گزشتہ رات پشاور کے متنی تھانے اور فرنٹیئر روڈ پر قائم چیک پوسٹوں پر بڑا حملہ کیا۔

ذرائع کے مطابق پولیس کی جوابی کارروائی میں چار عسکریت پسند مارے گئے۔

حملے میں زخمی ہونے والے چاروں پولیس اہلکاروں کو لیڈی ریڈنگ اسپتال منتقل کردیا گیا جہاں ان کی حالت خطرے سے باہر بتائی جاتی ہے۔

دوسری جانب شہر میں مزید دو بم ناکارہ بنادئے گئے۔