کوئٹہ: فائرنگ سے سرکاری ملازم ہلاک
04 اکتوبر 2012
کوئٹہ: کوئٹہ میں جمعرات کو نامعلوم افراد کی فائرنگ سے ایک سرکاری ملازم ہلاک اور دو زخمی ہوگئے ہیں۔
پولیس کے مطابق واقعہ کوئٹہ کے نواحی علاقے کچلاک کے ایک اہم بازار میں پیش آیا۔ دو افراد قومی شاہراہ پر ایک گاڑی پر اچانک اندھادھند فائرنگ کرکے فرار ہوگئے۔
فائرنگ کے نتیجے میں گاڑی میں سوار تینوں سرکاری ملازمین زخمی ہوگئے۔ زخمیوں کو طبی امداد کے لئے کوئٹہ منتقل کیاجارہا تھا کہ ایک سخص راستے میں ہی دم توڑ گیا۔
دیگر دونوں زخمی افراد اسپتال میں زیر علاج ہیں تاہم ان کی حالت بھی تشویشناک ہے۔
دوسری جانب دشت میں نامعلوم افراد نے ایک گھر میں گھس کر فائرنگ کردی جس کے نتیجے میں ڈاکٹرمحمد علی شدید زخمی ہوگئے۔
زخمی ڈاکٹر کو طبی امداد کے لیے فوری طور پر بولان میڈیکل کمپلیکس منتقل کردیا گیا ہے۔
تبصرے (1) بند ہیں