قائد مسلم لیگ ن میاں محمد نواز شریف۔ فائل فوٹو۔۔۔

رائیونڈ: پاکستان مسلم لیگ ن کے صدر میاں محمد نواز شریف نے کہا ہے کہ مضبوط اور مستحکم پاکستان کے لئے انتخابات ناگزیر ہیں۔

جمعرات کو رائیونڈ میں سندھ کے سیاسی رہنما سردار علی گوہر مہر سے گفتگو کرتے ہوئے میاں نواز شریف نے کہا کہ ملک کو درپیش مسائل اور بحرانوں سے باہر نکالنے کا واحد راستہ شفاف انتخابات کا بروقت انعقاد ہے۔

انہوں نے کہا کہ کراچی پاکستان کا معاشی مرکز ہے اور وہاں امن و امان کی تشویشناک صورتحال پر قابو پانا ملک کی معاشی ترقی کے لئے بہت ضروری ہے۔

ان کا کہنا تھا کہ مسلم لیگ ن سندھ کی صورتحال پر نظر رکھے ہوئے ہیں اور اقتدار ملنے کی صورت میں سندھ میں قانون شکن عناصر کے ساتھ سختی سے نمٹا جائے گا۔