کوئٹہ پولیس۔ فائل فوٹو۔

کوئٹہ: کوئٹہ میں فائرنگ کے تین مختلف واقعات میں تین افراد ہلاک جبکہ تین زخمی ہوگئے جن میں سے دو کی حالت نازک بتائی جاتی ہے۔

پیر کو پولیس کے مطابق اسپنی روڈ پر نامعلوم افراد نے ٹیکسی پر فائرنگ کردی جس کے نتیجے میں ایک شخص ہلاک جبکہ تین زخمی ہوگئے جنہیں سی ایم ایچ منتقل کردیا گیا ہے۔

ایک اور واقعہ میں شہر کے وسطی علاقے فاطمہ جناح روڈ پر نامعلوم افراد کی فائرنگ سے عبدالقادر نامی شخص چل بسا۔

اسکے علاوہ شہر کے نواحی علاقے کچلاک بازار میں نامعلوم افراد کی فائرنگ سے جمعہ خان نامی شخص ہلاک ہوا جس کا تعلق لورالائی سے بتایا جاتا ہے۔