فواد پرانے دور کے رومانس کے قائل
07 اگست 2014
اپنے ہٹ ٹی وی ڈرامے 'زندگی گلزار ہے' کی بدولت پاکستانی سپر سٹار فواد خان ہندوستان میں لاکھوں دلوں کی دھڑکن بن گئے ہیں۔
ہندوستان ٹائمز کے مطابق فواد نے دعویٰ کیا ہے کہ وہ اب تک اپنی شہرت کے عادی نہیں ہو سکے ہیں۔
ان کا کہنا ہے کہ پرستاروں کے جذبات پر میں پلکیں جھپکانے پر مجبور ہو جاتا ہوں۔
انہوں نے مزید کہا کہ رومانس کے بارے میں ان کے خیالات پرانے زمانے کے ہیں۔
ان کے بقول میں نے اپنی بیوی صدف کو سترہ سال کی عمر میں پروپوز کیا تھا، جب وہ سولہ سال کی تھی، مگر میں صدف کے ساتھ پوری زندگی گزارنے کے لیے مکمل طور پر پُرعزم تھا۔
میں نے اسے کہا کہ 'میں تم سے شادی کرنا چاہتا ہوں اور تمہارے ساتھ بوڑھا ہونا چاہتا ہوں، مجھے تم سے محبت ہے اور میں ہمیشہ تم کو چاہتا رہوں گا'۔
فواد کا کہنا تھا کہ صدف میرا پہلا پیار ہے اور وہی آخری بھی ہوگا۔
تبصرے (0) بند ہیں